Futbol üzrə İspaniya milli komandasının və Kataloniya “Barselona”sının sabiq müdafiəçisi Xerard Pike böyük futbola qayıdır.
Vətəninfo.az-ın məlumatına görə , bu barədə futbolçu məlumat verib.
“Uzun müzakirələrdən sonra yenidən böyük futbola qayıtmaq qərarına gəldim. Həftənin sonunda hər şeyi təfərrüatlı şəkildə izah edəcəm”, – o yazıb.
Pike 2022-ci ilin noyabrında təqaüdə çıxmaq qərarına gəlib.
Jerar Pike “Barselona” akademiyasının tələbəsidir. 2004-2008-ci illərdə “Mançester Yunayted”də, 2006-2007-ci illərdə “Saraqosa”da icarə əsasında çıxış edib, 2008-ci ildən isə “Barselona”nın əsas oyunçularından biri olub. Pike İspaniyanın bütün yaş qruplarında çıxış edib. O, milli komandanın tərkibində 2010-cu il dünya və 2012-ci il Avropa çempionatlarının çempionu olub. “Barselona”nın tərkibində 8 dəfə İspaniya çempionu, 7 dəfə Kral Kubokunu, 6 dəfə İspaniya Superkubokunu, üç dəfə Çempionlar Liqasını, UEFA Superkubokunu və bir o qədər də dəfələrlə klublararası dünya çempionatını qazanıb.
