İtaliya çempionu “İnter” Zaqreb “Dinamo”sundan xorvatiyalı yarımmüdafiəçi Petar Suçiçi transfer edəcək. Vətəninfo.az xəbər verir ki, bu barədə məşhur jurnalist Fabrizio Romano məlumat yayıb. Fevralın 10-da 21 yaşlı futbolçu Milana gələcək və tibbi müayinədən keçəcək.
Transfer qiyməti 14 milyon avro, əlavə olaraq 2,5 milyon avro bonus olacaq.
Petar Suçiç ABŞ-da keçiriləcək klublararası dünya çempionatında iştirak edə bilmək üçün iyunda “İnter”ə keçəcək.
Bu mövsüm Petar Suçiç 15 matçda iştirak edib, 3 qol vurub və 2 məhsuldar ötürmə edib.
