İsrail hakimiyyəti Qəzza zolağına humanitar yardım aparan iki gəmidə saxlanılan son beş ispaniyalı fəalı azad edib. Vətəninfo.az xəbər verir ki, İspaniyanın Xarici İşlər Nazirliyi məlumat yayıb.
Gəmilər bu ay, BMT-nin rəsmi olaraq aclıq elan etdiyi Qəzza zolağındakı blokadanı yarmağa cəhd edərkən, İsrail qüvvələri tərəfindən beynəlxalq sularda saxlanılmışdı. Sərnişinlər arasında Fələstin tərəfdarı fəallar və jurnalistlər də olub.
Saxlanılanlar arasında məşhur isveçli iqlim fəalı Qreta Tunberq və müxtəlif millətlərdən olan onlarla fəal yer alıb. Hadisə Avropada geniş rezonans doğurub və bir sıra ölkələrdə kütləvi etirazlara səbəb olub.
İspaniya Xarici İşlər Nazirliyi bildirib ki, azad edilən şəxslər artıq vətənlərinə doğru yoldadır. Nazirlikdəki mənbələrin məlumatına görə, hazırda İsraildə heç bir ispaniyalı fəal həbsdə deyil.
Azad edilənlər arasında, əvvəllər İsrail həbsxana məmurunu dişlədiyi üçün ilkin buraxılış dalğasına daxil edilməyən fəal da var.
Qeyd edək ki, İspaniya donanmasının təxminən 50 üzvü ötən həftə artıq ölkəyə qayıdıb. Onlar saxlanma şəraitindən və pis rəftardan şikayətləniblər. İsrail tərəfi isə bu ittihamları qəti şəkildə təkzib edib.
