Vətəninfo.az xəbər verir ki, İngiltərə çempionu “Mançester Siti”nin xorvatiyalı yarımmüdafiəçisi Mateo Kovaçi “Real Madrid”in və Xorvatiya millisinin yarımmüdafiəçisi Luka Modriçin millidəki rolunu dəyərləndirib.
“Luka Modriçin karyerası təkrarolunmazdır. Onun bizim komandada olması böyük uğurdur. Yalnız Modriçin karyerasını başa vurduqdan sonra onun komandada olmasının vacibliyini anlayacağıq. Luka müstəsnadır, o, əvvəlki kimi vacib və faydalı olan “Real”ın köhnə sakinidir. Onu Xorvatiya millisində əvəzləmək mümkün olub-olmadığını bilmirəm. Düşünürəm ki, bütöv bir komandaya ehtiyac olacaq”, – Kovaçiçin sözlərini Madrid Xtra sitat gətirib.
Tamamlanmış klub mövsümündə Luka Modriç 45 matçda iştirak edib, 2 qol vurub, 8 məhsuldar ötürmə edib.
Transfermarkt onun transfer dəyərini 8 milyon avro qiymətləndirir.
