İspaniya millisinin baş məşqçisi Luis de la Fuente gənc ulduz Lamine Yamalın çıxışı ilə bağlı açıqlama verib.
Vətəninfo.az xəbər verir ki, təcrübəli mütəxəssis bildirib ki, azarkeşlər hələ turnirdə Yamalın bütün potensialını görməyiblər.
“Bu Dünya Kubokunda hələ əsl Lamine Yamalı görməmişik. Onun nə qədər motivasiyalı olduğunu bilirəm. Əminəm ki, bu dünya çempionatında öz izini qoyacaq”, – deyə Luis de la Fuente bildirib.
Qeyd edək ki, Lamine Yamal son illərdə İspaniya millisinin və klubunun ən parlaq gənc futbolçularından biri hesab olunur. Baş məşqçi onun turnirin həlledici mərhələlərində daha təsirli oyun nümayiş etdirəcəyinə inandığını ifadə edib.
