Vətəninfo.az xəbər verir ki, “Real Madrid”də ilk mövsümünü keçirən 25 yaşlı fransalı hücumçu Kilian Mbappe hansı klub turnirində qalib olmaq arzusunda olduğunu qeyd edib.
“Mən hələ də ən vacib titula sahib deyiləm. Söhbət Çempionlar Liqasından gedir. Məhz bu tituldan sonra mən dünyanın ən yaxşı klubuna gəldim”, – ESPN Mbappenin sözlərindən sitat gətirib.
Cari mövsümdə Mbappe kral komandası ilə 22 matçda iştirak edib, 12 qol vurub və 2 məhsuldar ötürmə edib.
Transfermarkt onun transfer dəyərini 180 milyon avro qiymətləndirir.
