Vətəninfo.az xəbər verir ki, Fransa millisinin 25 yaşlı hücumçusu, “Real”a yeni gələn Kilian Mbappe İspaniya La Liqasında ən çox maaş alan üçüncü futbolçu olacaq. O, 31,3 milyon avro (vergilər daxil olmaqla) alacaq.
Bu göstəriciyə görə, “Barselona”nın hollandiyalı yarımmüdafiəçisi Franki De Yonq 37,5 milyon avro ilə birinci yerdədir.
İkinci yerdə “Barselona”nın polşalı hücumçusu Robert Levandovski 33,3 milyon avrodur.
İspaniya mətbuatı Kataloniya klubunun maliyyə yükünü yüngülləşdirmək üçün hər iki futbolçunu satmağa hazır olduğunu yazıb.
