Argentina futbol komandasının müdafiəçisi Nikolas Otamendi Paris Olimpiadasının futbol turnirinin ilk turunda baş verən qalmaqala münasibət bildirib.
Vətəninfo.az xəbər verir ki, Argentina Mərakeşə 1:2 hesabı ilə uduzub . Argentinalıların əlavə olunmuş vaxtın 16-cı dəqiqəsində vurduğu qoldan sonra tribunalarda iğtişaşlar başlayıb, mərakeşli azarkeşlər meydançaya soxulub.
İki saat sonra yenidən başlayan matçda hakim VAR-ın köməyi ilə argentinalıların ikinci qolunun təkrarına baxıb və onu ləğv edib.
“Bu, tarixi biabırçılıqdır. Bu, əvvəllər heç vaxt olmamışdı. Mərakeş yığması meydana qayıtmaq istəməyib. Biz də bunun əleyhinə idik. 1 saat 40 dəqiqə gözlədik. Heç kim bizə heç nə demədi”, – Otamendi deyib.
Sufian Rəhimi Mərakeş millisinin heyətində dubla imza atıb. Argentinanın yeganə qolunu Culiano Simeone vurub.
https://x.com/i/status/1816165750769434861
