Rusiya ABŞ-ın Ukraynada münaqişənin həlli istiqamətində göstərdiyi vasitəçilik səylərini yüksək qiymətləndirir.
Vətəninfo.az-ın RİA Novosti-yə istinadən verdiyi məlumata görə, bunu Kremlin sözçüsü Dmitri Peskov jurnalistlərə açıqlamasında bildirib.
“Ukrayna münaqişəsinin nizamlanmasına gəldikdə, bilirsiniz ki, Amerika tərəfi vasitəçilik və sülh səylərini davam etdirir. Biz bunu yüksək qiymətləndiririk”, – deyə Peskov qeyd edib.
Kremlin sözçüsü, həmçinin vurğulayıb ki, münaqişənin həlli Ukrayna nümayəndələrinin iştirakı olmadan mümkün deyil.
Peskovun açıqlaması Moskvanın Ukraynadakı müharibənin dayandırılması istiqamətində ABŞ-ın diplomatik təşəbbüslərinə münasibətini əks etdirir.
