Keçmiş İngiltərə millisinin hücumçusu və hazırda televiziya eksperti olan Qari Lineker bildirib ki, Liverpul Trent Aleksander-Arnoldun komandadan ayrılması ilə böyük itki yaşayıb. Trent hazırda İspaniyanın “Real” klubunda çıxış edir.
Vətəninfo.az xəbər verir ki, Lineker The Rest Is Football podkastında deyib:
«Liverpul Trentə çox ehtiyac duyur. Onun hücumdakı töhfəsini əvəz etmək mümkün deyil. Bu mövqedə onun kimi oynaya biləcək başqa oyunçu yoxdur. Mo Salah da Trentin yoxluğunu hiss edir, çünki onların oyun əlaqəsi çox yaxşıdır.
Hücumdakı faydalarını nəzərə alaraq, müdafiədəki kiçik səhvlərinə görə narahat olmağı dayandırın. Onun verdiyi hücum üstünlüyü tamamilə inanılmazdır.»
Qeyd edək ki, “Liverpul” ardıcıl iki dəfə 1:2 hesabı ilə “Kristal Pelas” və “Çelsi”yə məğlub olduqdan sonra İngiltərə Premer Liqasında liderliyi “Arsenal”a verib.
