Vətəninfo.az xəbər verir ki, “Real Madrid” İspaniya kubokunda 1/4 finala yüksəlib.
İtaliyalı Karlo Ançelottinin rəhbərlik etdiyi komanda 1/8 finalda Viqolu “Selta”nı qəbul edib və əlavə vaxtda 5:2 hesabı ilə qalib gəlib.
“Real” 83-cü dəqiqəyə kimi fransalı hücumçu Kilian Mbappe və braziliyalı hücumçu Vinisius Juniorun qolları sayəsində 2:0 hesablı qələbə qazanıb.
Sonda qonaqlar iki qol vuraraq mübarizəni əlavə vaxta keçirə biliblər. Fil dişili hücumçu Conatan Bamba və ispaniyalı müdafiəçi Markos Alonso fərqlənib.
Braziliyalı forvard Endrik əlavə vaxtda “Real”dan dubla imza atıb. Uruqvaylı yarımmüdafiəçi Federiko Valverde də rəqibə qol vurub.
İspaniya Kuboku, 1/8 final
“Real Madrid” – “Selta”: 5:2 (2:2, 3:0)
Kilian Mbappe, 37, Vinisius Junior, 48, Endric, 108, 120, Federiko Valverde, 112 – Conatan Bamba, 83, Markos Alonso, 90+1
