Vətəninfo.az xəbər verir ki, Səudiyyə Ərəbistanının “Əl-Nəsr” klubunun ulduz futbolçusu Kriştiano Ronaldo, 88-ci dəqiqədə “Əl-Xəzmə”yə vurduğu qol ilə futbol tarixində yeni bir rekorda imza atıb. O, rəsmi matçlarda 950 qol vuran yeganə futbolçu olub.
Peşəkar futbolda heç bir oyunçu bu qədər qol vuraraq belə bir rekorda sahib olmamışdı. Ronaldo bu mövsüm səkkiz matçda 7 qol vurub. Ümumilikdə isə, 2025-ci ildə artıq 34 qol vurmuşdur.
Bu qarşılaşma “Əl-Nəsr”in 2:0 hesabı ilə qalibiyyəti ilə başa çatıb. Səudiyyə Ərəbistanı liqasının zirvəsində qərarlaşan “Əl-Nəsr”, bu qələbə ilə liderliyini möhkəmləndirib. Ronaldo isə bu qələbə ilə futbol dünyasında bir daha öz adı ilə yadda qaldı.
