Vətəninfo.az xəbər verir ki, İran tərəfinin təşəbbüsü ilə dünən Rusiya və İranın xarici işlər nazirləri Sergey Lavrov və Hüseyn Əmir Abdullahyan arasında telefon danışığı olub. Bu barədə Rusiya Xarici İşlər Nazirliyi məlumat yayıb.
Həmsöhbətlər Fələstin-İsrail münaqişəsinin növbəti eskalasiyasına diqqət yetirərək, Yaxın Şərq gündəminin mövzuları ətrafında fikir mübadiləsi aparıblar.
Onlar silahlı qarşıdurmanın tezliklə dayandırılmasının və vəziyyətin məlum beynəlxalq hüquqi əsaslarla tənzimlənməsinin vacibliyini vurğulayıblar.
