image-47backend

Xarici şirkətlər üçün Azərbaycanda xidmət və investisiya üçün daha əlverişli şərait yaradılır

image-reklam_sirab_01

Milli Məclisin bu gün keçirilən plenar iclasında Gömrük Məcəlləsinə dəyişiklik edilməsi haqqında qanun layihəsi üçüncü oxunuşda müzakirəyə çıxarılıb.

Veteninfo.az xəbərinə görə, sənəd barədə Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili məlumat verib.

O bildirib ki, sahibkarlar daxildə emal xüsusi gömrük rejimi ilə (müəyyən malların emal edildikdən sonra ixrac edilməsi məqsədilə ölkəyə gətirilməsi) mallar idxal etdikləri zaman gömrük borcunun yarandığı və ya yarana biləcəyi hallarda onun ödənilməsinə təminat verməli idilər (Bu borc adətən idxal olunan malların 1 il ərzində ixrac edilməməsi halında yaranır).

Təklif olunan dəyişiklik belə bir təminatın məcburi olmamasını özündə ehtiva edir. Bu isə sahibkarları təminat vermək üçün bir çox xərclərdən azad edəcək, xarici hüquqi şəxslər üçün isə Azərbaycanda xidmət almaq və investisiya yatırmaq üçün daha əlverişli şərait yaradacaq.

Müzakirələrdən sonra Gömrük Məcəlləsinə təklif edilən dəyişiklik qəbul edilib.

image-reklam_opel_02

  • whatsapp
  • messenger
  • telegram
  • vkontakte
  • odnoklassniki