İspaniyalı keçmiş yarımmüdafiəçi Xuan Karlos Valeron karyerası ərzində onu ən çox heyrətləndirən futbolçunun Roberto Karlos olduğunu bildirib.
Vətəninfo.az xəbər verir ki, məlumatı Mundo Deportivo yayıb.Valeronun sözlərinə görə, Lionel Messi və Kriştiano Ronaldo öz dövrlərinin ən böyük oyunçuları olsalar da, onda “vay” hissi yaradan yeganə futbolçu Roberto Karlos olub.
“Messi və Kriştiano Ronaldo dövrün iki ən böyük oyunçusu idi. Lakin onları kənara qoysaq, məndə heyranlıq hissi yaradan yeganə futbolçu Roberto Karlos olub. O, qüvvə, güc və keyfiyyət baxımından inanılmaz idi. Yanından keçərdi, amma onu keçdiyini görməzdin. Bu, genetik bir xüsusiyyət idi”, — deyə Valeron qeyd edib.
Keçmiş futbolçu braziliyalı əfsanəni təsir gücü baxımından Messi və Kriştiano Ronaldodan daha üstün qiymətləndirib.
