image-c55a4a12-8f7e-341e-a601-35dc03139abf_850backend

Almaniya Prezidenti aclığa qarşı daha güclü mübarizə aparmağa çağırıb

image-reklam_sirab_01

Almaniya Prezidenti Frank-Valter Staynmayer dünyada aclıqla mübarizə üçün səylərin artırılmasına çağırıb və qeyd edib ki, hazırda dünyada 830 milyon insan xroniki qidalanmadan əziyyət çəkir ki, bu da üç il əvvəllə müqayisədə 150 ​​milyon nəfər çoxdur.

O, bu barədə Ümumdünya Ərzaq Günü münasibəti ilə çıxışında deyib.

“Təəssüf ki, bəlalar yenidən güclə qayıdıb. Uzun müddətdir ki, planetdə ac insanların sayı azalırdı. Dünyada heç vaxt indiki qədər çox insan aclıqdan ölməyib”, – o əlavə edib.

Almaniya dövlətinin başçısı qeyd edib ki, dünyanın bir çox regionlarında aclıq hökm sürür. O, misal kimi insanların son 40 ilin ən pis quraqlığını yaşadığı Afrika Buynuzu bölgəsini və sakinlərin ən pis daşqınların təsirindən əziyyət çəkdiyi Pakistanı misal çəkib.

“Təkcə iqlim dəyişikliyi regionlar üçün problemlər yaratmır. Aclığın artması bir çox cəhətdən, Ukraynada baş verən hadisələrin səbəb olduğu taxıl, ərzaq və gübrə ehtiyatlarının olmaması ilə bağlıdır”.

image-reklam_opel_02

  • whatsapp
  • messenger
  • telegram
  • vkontakte
  • odnoklassniki