Birləşmiş Millətlər Təşkilatının (BMT) Baş katibi Antonio Quterreş Fələstin xalqının 56 ildir boğucu işğala məruz qaldığını bildirib.
Vətəninfo.az xəbər verir ki, Antonio Quterres Təhlükəsizlik Şurasında İsrail-Fələstin gərginliyi ilə bağlı keçirilən sessiyasında çıxış edib.
Baş katib ”Həmas”ın oktyabrın 7-də İsraildə həyata keçirdiyi hücumları pislədiyini bildirib və sözlərini belə davam etdirib:
“Ancaq ”Həmas”ın da təsadüfən hücum etmədiyini də bilməliyik. Fələstin xalqı 56 ildir ki, boğucu işğala məruz qalıb. Torpaqlarının mərhələ-mərhələ ələ keçirildiyinin və zorakılığın şahidi olurlar”.
