Hindistanın Assam ştatında baş verən daşqınlar 71 sakinin ölümünə səbəb olub.
Bu barədə “Veteninfo” Hindistanın Fəlakətlərlə Mübarizə İdarəsinə istinadən xəbər verir.
Məlumata görə, təbii fəlakət zamanı həmçinin 4 228 100 insan zərər çəkib.
Daşqınların səbəbi leysan yağışlar olub, buna görə də Brahmaputra çayı və onun qolları məcrasından çıxıb. Ən çox insan itkisi, dağıntılar Assam və Meqalaya ştatlarında qeydə alınıb.
Meteoroloqlar Hindistanın şimal-şərq hissəsində musson leysanlarının azı daha 48 saat davam edəcəyini proqnozlaşdırırlar.
