Naxçıvan Muxtar Respublikası Ali Məhkəməsinə yeni hakim təyin edilir.
Vətəninfo.az-ın məlumatına görə, bu barədə məsələ Milli Məclisinin Hüquq siyasəti və dövlət quruculuğu komitəsinin bu gün keçirilən iclasında müzakirə edilən “Məhkəmələr və hakimlər haqqında” qanuna dəyişiklikdə öz əksini tapıb.
“Məhkəmələr və hakimlər haqqında” Azərbaycan Respublikası Qanununun 97-ci maddəsinin ikinci hissəsinə uyğun olaraq, Şirvan Apellyasiya Məhkəməsinin hakimi (İnzibati Kollegiyanın sədri) Müşfiq Kamil oğlu Həsənovun həmin məhkəmənin hakimi vəzifəsindən azad edilərək Naxçıvan Muxtar Respublikası Ali Məhkəməsinin hakimi təyin edilməsi təklif edilir.
