Pakistanda özəl məktəbin damının uçması nəticəsində azı 31 nəfər həyatını itirib, 20 uşaq isə xəsarət alıb.
Vətəninfo.az xəbər verir ki, hadisə Pakistanın Peşəvər şəhərinin Dir-Koloni rayonunda baş verib.
Pakistan mediasının rəsmilərə istinadən yaydığı məlumata görə, ölənlərdən 30-u uşaq, biri isə müəllimədir. Hadisə nəticəsində 40-dan çox insanın zərər çəkdiyi bildirilir.
Paytaxt polisinin rəisi Mian Səid hadisə ilə bağlı açıqlamasında məktəbin sahibinin həbs edildiyini bildirib.
Hazırda ərazidə axtarış-xilasetmə işləri davam etdirilir. Hadisənin başvermə səbəbləri araşdırılır.
