“Vaşinqtonun narazılığına səbəb olan “OPEC+”un neft hasilatını azaltmaq qərarı siyasi deyil, iqtisadi idi”.
Bunu Səudiyyə Ərəbistanının xarici işlər naziri şahzadə Feysəl bin Fərhan Al Səud “Al Arabiya” telekanalına müsahibəsində deyib.
O, həmçinin bildirib ki, Səudiyyə Ərəbistanı ilə ABŞ arasında münasibətlər strateji xarakter daşıyır və Yaxın Şərqdə təhlükəsizlik və sabitliyin qorunmasına yönəlib. Bundan başqa, Ər-Riyad və Vaşinqton arasında hərbi əməkdaşlıq hər iki ölkənin maraqlarına uyğundur.
