image-1628070226_air-armenia-2backend

Türkiyədən Ermənistana QADAĞA: Ankara hava məkanını rəsmi İrəvanın üzünə bağladı

image-reklam_sirab_01
Ermənistanda qeydiyyatdan keçən təyyarələrin Türkiyənin hava məkanına girməsi qadağan edilib.
Veteninfo.az erməni mətbuatına istinadən xəbər verir ki, bu qərar 2020 -ci ilin sentyabr ayından etibarən verilib. Belə ki, Türkiyə heç bir əsas gətirmədən Ermənistanda qeydiyyatda olan təyyarələrin hava məkanına girməsinə qadağa qoyub.
Nəşr yazır ki, avqustun 2-nə olan məlumata görə, Ermənistanda 19 mülki və 1 hökumət təyyarəsi qeydə alınıb. Ermənistan rəsmiləri bunu rəsmi İrəvana qarşı düşmənçilik kimi xarakterizə ediblər. Amma Ermənistan rəsmiləri Azərbaycan və Türkiyə qardaşlığından irəli gələrək belə bir addımın atıldığını anlamamış deyillər.
Qeyd olunur ki, Ermənistana məxsus təyyarələrə Türkiyənin hava məkanına daxil olmaqla bağlı ilk imtina qərarı sentyabr ayının 9-da verilib. Daha sonra isə həmin ayın 18-i və 25-i, ardınca isə 2021-ci il mart ayının 19-u və 23-ü verilib.
Ermənistanın Mülki Aviasiya Komitəsi qeyd edir ki, beynəlxalq səviyyədə tanınmış qaydalara uyğun olaraq hava məkanının istifadəsinə qoyulan qadağa və məhdudiyyətlər haqqında məlumatlar Türkiyənin aviasiya məlumat paketində dərc olunmalı idi. Lakin bu məlumatlar dərc edilməyib və kağız üzərində qadağa ilə bağlı rəsmi məlumat yoxdur. Lakin Türkiyə bu qadağanı qeyri-rəsmi şəkildə tətbiq edir. Məlumata görə Türkiyə son olaraq 29 avqust 2020 -ci il tarixində Ermənistana məxsus mülki təyyarənin uçuşuna icazə verib, bundan sonra qadağa tətbiq olunub.
Nəşrin yazdığına görə, 2014-cü ildən etibarən Azərbaycanda qeydiyyata alınmış təyyarələr Ermənistan səmasında uçmayıb və əksinə Ermənistan təyyarələri də Azərbaycanın hava məkanından istifadə etmir.
image-reklam_opel_02

  • whatsapp
  • messenger
  • telegram
  • vkontakte
  • odnoklassniki