image-62backend

AFFA Aslan İsmayılovdan 10 min tələb edir – İddia icraata götürüldü

image-reklam_sirab_01
Azərbaycan Futbol Federasiyaları Assosiasiyasının (AFFA) hüquqşünas Aslan İsmayılov barədə iddiası icraata götürülüb.
Veteninfo.az  xəbər verir ki, məhkəmə baxışı noyabrın 10-na təyin edilib.
Aslan İsmayılov bizimlə söhbətində bildirib ki, 20 gün ərzində iddiaya etiraz vermək hüququ var və bu hüququndan istifadə edəcək. Hüquqşünas əlavə edib ki, o, AFFA barədə yazdıqlarının məsuliyyətini dərk edir.
“AFFA iddia edir ki, şəffaf fəaliyyət göstərir, hər il hesabat Konfransında futbol ictimaiyyəti, media, dövlət strukturları təmsilçilərinin, həmçinin üzvü olduğu FIFA və UEFA kimi beynəlxalq təşkilatların rəsmilərinin qarşısında hesabat verir.
Həmin hesabata AFFA-nın gəlirləri və xərcləri ilə bağlı maliyyə hesabatları da daxildir. 2010-cu ildən bu ilə qədər AFFA-nın bütün hesabatları assosiasiyanın saytında yerləşdirilib və maraqlanan hər kəs həmin hesabatlarla tanış ola bilər. Özünü hüquqşünas adlandıran istənilən şəxs bu cür ittihamları səsləndirən zaman konkret hüquqi sənədlərə istinad etməli, populizm ilə məşğul olmamalıdır”.
Xatırladaq ki, Aslan İsmayılov sosial şəbəkə hesabında AFFA-nı korrupsiyada, qeyri-şəffaflıqda, işlədilən fəhlələrə əməkhaqqı verilməməsində ittiham edib.
Qurumun rəhbərliyi isə hüquqşünasın yazdıqlarını böhatn hesab edərək onu məhkəməyə verib. AFFA Aslan İsmayılovun üzr istəməsini və 10 min manat təzminat ödəməsini tələb edir.
image-reklam_opel_02

  • whatsapp
  • messenger
  • telegram
  • vkontakte
  • odnoklassniki