Venesuelanın Araqua ştatında baş verən güclü daşqın və torpaq sürüşmələri nəticəsində ölənlərin sayı 25-ə yüksəlib, 52 nəfər isə itkin düşüb.
Bu barədə ölkənin daxili işlər naziri Remixio Sebalyos bildirib.
“Hazırda 25 nəfərin meyiti aşkarlanıb, ölənlərin ailələrinə başsağlığı veririk. Bundan başqa, 52 nəfər itkin düşüb”, – naziri vurğulayıb.
Venesuelanın şimalında daşqınlar nəticəsində azı 22 nəfər ölüb, 52 nəfər itkin düşüb. Prezident Nikolas Maduro üç günlük matəm elan edib.
Bu barədə icraçı vitse-prezident Delsi Rodriges bildirib.
“Bu günə qədər 22 meyit tapılıb, 52-dən nəfərdən çox insan itkin düşüb”, – D.Rodriges qeyd edib.
Onun sözlərinə görə, Las-Teherias şəhəri yaxınlığında bir neçə dağ çayı öz sahilindən çıxıb.
“Prezident Nikolas Maduro ərazini fəlakət zonası elan edəcək və o, həmçinin üç günlük matəm elan edib”, – D.Rodriges əlavə edib.
Hazırda hadisə yerində xilasetmə işləri aparılır
