Almaniya Ukraynaya dəyəri 500 milyon avrodan çox olan əlavə silahlar verməyi planlaşdırır.
Bu barədə “Reuters” məlumat yayıb.
Kanadada səfərdə olan Almaniya kansleri Olaf Şolts Almaniyanın Ukraynaya əlavə üç IRIS-T hava hücumundan müdafiə sistemi, 10 zirehli bərpa-təxliyə maşını, 20 raket buraxılışı qurğusu, yüksək dəqiqlikli döyüş sursatları və hava hücumundan müdafiə sistemləri tədarük etmək niyyətində olduğunu açıqlayıb.
Silahlar 2023-cü ildə, bəzi texnikalar isə daha əvvəl təhvil veriləcək. Eyni zamanda, hələ Bundestaqın büdcə komitəsi də silah tədarükünə razılıq verməlidir.