BMT-nin Baş katibi Antoniu Quterreş Əfqanıstanda bu ay 250-dən çox insanın ölümü və ya yaralanması ilə nəticələnən silsilə partlayışlardan narahatlığını bildirib.
Bu barədə ümumdünya təşkilatının baş katibinin mətbuat katibinin müavini Fərhan Xaq bəyanatında bildirib.
“BMT-nin Baş katibi bu ay Əfqanıstanda 250-dən çox insanın, o cümlədən uşaqların ölümünə və yaralanmasına səbəb olan silsilə partlayışlardan dərin narahatlığını ifadə edir”, – bəyanatda deyilir.
Qeyd olunur ki, BMT-nin baş katibi avqustun 17-də Kabildə məscidə törədilən son hücumu qətiyyətlə pisləyib. O, həlak olanların ailələrinə dərin hüznlə başsağlığı verib, xəsarət alanların tezliklə sağalmasını arzulayıb.