image-82af1a0e-f838-3e92-938c-15cf97b1d83d_850backend

Baydenlə görüşən Yelena Zelenskaya təkrar COVID-19 testindən keçəcək

image-reklam_sirab_01

Ukrayna Prezidenti Volodimir Zelenskinin həyat yoldaşı, ölkənin birinci xanımı Yelena Zelenskaya çərşənbə günü görüşdüyü ABŞ Prezidenti Cozef Baydenin koronavirus xəstəliyi ilə bağlı məlumatdan sonra COVID-19 üçün ikinci sınaqdan keçəcək.

Bu barədə Ukrayna Prezidentinin Ofisi feysbuk səhifəsində məlumat verilib.

“ABŞ-a yola düşməzdən əvvəl, eləcə də Birləşmiş Ştatların birinci xanımı ilə görüşmək üçün Ağ Evə gəlməzdən əvvəl Cill Bayden, Yelena Zelenskaya və digər nümayəndə heyətimiz COVID-19 üçün məcburi testlərdən keçiblər. Ukrayna Prezidentinin xanımını müşayiət edən hər kəs koronavirusla bağlı mənfi nəticələr alıb. Aydındır ki, əgər test müsbət nəticə versəydi, Ukraynanın birinci xanımı ilə ABŞ arasında görüş baş tutmayacaqdı”, – Ofisdən bildirilib.

“Ağ Evdə Yelena Zelenskaya ilə görüşən Amerika Birləşmiş Ştatlarının Prezidenti Cozef Baydenin COVID-19 testinin müsbət çıxması barədə məlumatı aldıqdan sonra Ukraynanın birinci xanımı, əlbəttə ki, təkrar koronavirus testi verəcək. Yelena Zelenskaya iki dəfə peyvənd olunub və gücləndirici doza alıb. Özünü yaxşı hiss edir”, – məlumatda deyilir.

image-reklam_opel_02

  • whatsapp
  • messenger
  • telegram
  • vkontakte
  • odnoklassniki