Ermənistanın xarici işlər naziri Ararat Mirzoyan və xüsusi elçi Ruben Rubinyanın Antalya Diplomatiya Forumunda (ADF) iştirak edəcəyi gözlənilir.
Veteninfo.az Dailysabah –a isitnadən xəbər verir ki, bu barədə xarici işlər naziri Mövlud Çavuşoğlu bildirib.
Çavuşoğlu paytaxt Ankarada Mərkəzi Afrikalı həmkarı Silvie Baipo-Temon ilə birgə mətbuat konfransı zamanı bildirib ki, Ermənistanın xarici işlər naziri və xüsusi elçisi qarşıdan gələn foruma dəvət olunub və Ermənistanın baş naziri Nikol Paşinyanın rəsmi şəxslərin iştirakına razılıq verib. Azərbaycanın da iştirak edəcəyi üçün Ermənistanın iştirakının məmnunluqla qarşılanacağını qeyd edən Çavuşoğlu, Bakı və İrəvanı “etimad quruculuğu addımları” kimi xidmət edəcək danışıqlarda “fikirlərini ifadə etməyə” təşviq edib.
Ermənistanla başladılan və Azərbaycanın dəstəklədiyi normallaşma prosesinin etimadı artıran tədbirlərlə davam etdiyini deyən Çavuşoğlu, bu çərçivədə iki ölkənin xüsusi nümayəndələrinin ilk görüşünü Moskvada keçirdiklərini bildirib.
Xüsusi nümayəndələrin daimi təmasda olduqlarını və növbəti görüşlə bağlı qərar verəcəklərini qeyd edən Çavuşoğlu, fevral ayında qarşılıqlı uçuşların başlayacağını xatırladıb.
Qeyde edək ki,Paşinyan bazar ertəsi Ermənistanın Türkiyə ilə heç bir ilkin şərt olmadan diplomatik əlaqələr qurmaq istədiyini bildirərək, ölkənin Antalya Diplomatiya Forumunda iştirak edə biləcəyini bildirib: “Xüsusi nümayəndələrimiz görüşüb. Proses belə davam edərsə, Ermənistanın Antalya Diplomatiya Forumunda iştirak etməsi böyük ehtimaldır. Görüşləri davam etdirmək şansını əldən vermək məntiqsiz olardı”.
Antalya Diplomatiya Forumu martın 11-14-də Antalyada “Diplomatiyanın yenidən şifrələnməsi” devizi altında keçiriləcək və bir sıra dövlət başçıları, nazirlər, alimlər və mətbuat nümayəndələrinin iştirakı ilə keçiriləcək.
Dünyanın gündəmindəki ən mühüm regional və qlobal problemlərin həll yönümlü bir platformada müzakirə ediləcəyi toplantı liderlərə, siyasətçilərə, tanınmış akademiklərə, mütəfəkkirlərə, fikir liderlərinə, diplomatlara və iş adamlarına beynəlxalq problemləri müzakirə etmək imkanı verəcək.
