Hollivud ulduzları Ancelina Coli ilə Bred Pittin oğlu Paks Los-Ancelesdə qəzaya düşüb.
Vətəninfo.az “TMZ”ə istinadən xəbər verir ki, o, kəllə-beyin travması ilə xəstəxanaya yerləşdirilib.
Məlumata görə, iyulun 29-da Paks elektrikli velosipedlə avtomobilə çırpılıb. O, dəbilqəsiz hərəkət edirmiş.
Paks omba nahiyəsindəki ağrılardan şikayətlənib. O, həmçinin kəllə-beyin travması alıb. Həkimlər onun beyninə yüngül qan sızması ola biləcəyindən şübhələniblər. Lakin sonradan Paksın vəziyyətinin stabil olduğu açıqlanıb.
Onun yaxında evə buraxıla biləcəyi qeyd edilib.
