İstefa verən İtaliyanın baş naziri Mario Draqi deyib ki, Ukrayna taxılına dair İstanbulda imzalanan sazişlər bütün beynəlxalq ictimaiyyət üçün yaxşı xəbərdir.
“Qara dəniz limanlarında ilişib qalmış milyonlarla ton taxılın buraxılması bu yüklərin bir çox orta və aşağı gəlirli ölkələrin vətəndaşlarına çatmasını təmin etmək və qlobal ərzaq böhranının qarşısını almaq üçün vacibdir. Bu planın uğuru bu gün imzalanmış sazişlərin tez və tam şəkildə həyata keçirilməsindən asılı olacaq”, – deyə, o, əlavə edib.
Draghi əlavə edib ki, son aylarda İtaliya BMT-nin mərkəzi rolu ilə Türkiyənin vasitəçilik təşəbbüsünü dəstəkləməyi qətiyyətlə müdafiə edib.
“Ümid edirik ki, bu sazişlər Ukrayna üçün məqbul şərtlərlə konkret sülh perspektivlərinə doğru ilk addımdır”.
