Rusiya prezidenti Vladimir Putinin təşəbbüsü ilə dekabrın 28-də Sankt-Peterburq şəhərində Müstəqil Dövlətlər Birliyinə (MDB) üzv ölkələrin dövlət başçılarının ənənəvi qeyri-formal sammiti keçiriləcək.
Bu barədə Kremlin mətbuat xidməti məlumat yayıb.
Bildirilib ki, tədbirdə Azərbaycan prezidenti İlham Əliyev, Ermənistan baş naziri Nikol Paşinyan, Belarus prezidenti Aleksandr Lukaşenko, Qazaxıstan prezidenti Kasım-Jomart Tokayev, Qazaxıstanın birinci prezidenti Nursultan Nazarbayev, Qırğızıstan prezidenti Sadır Japarov, Tacikistan prezidenti Emoməli Rəhmon, Türkmənistan prezidenti Qurbanqulu Berdiməhəmmədov və Özbəkistan prezidenti Şavkat Mirziyoyev iştirak edəcəklər.
