“İnkişaf-2006” Sosial Dəstək İctimai Birliyi tərəfindən 28 mart 2022-ci il tarixində İmişli rayonunda gənclərin iştirakı ilə İİV/QİÇS-in profilaktikasına həsr olunmuş maarifləndirici seminar keçirilmişdir.
Tədbirdə gənclərə İİV-in yayılma yolları, qorunma üsulları, vaxtında müayinənin əhəmiyyəti və sağlam həyat tərzi barədə məlumat verilmişdir.
İİV vaxtında aşkarlanmadıqda immun sistemini zəiflədərək QİÇS mərhələsinə və ağır sağlamlıq fəsadlarına səbəb ola bilər. Məlumatsızlıq isə xəstəliyin yayılması ilə yanaşı, İİV-lə yaşayan insanlara qarşı stiqma və ayrı-seçkiliyi də artırır.
Bu baxımdan gənclərin maarifləndirilməsi xüsusi əhəmiyyət daşıyır. Belə tədbirlər onların sağlam və məsuliyyətli davranış formalaşdırmasına, İİV-in qarşısının alınmasına və cəmiyyətdə sağlamlıqla bağlı düzgün biliklərin yayılmasına mühüm töhfə verir. Bu fəaliyyətlər təşkilatın missiyasına uyğun olaraq mütəmadi şəkildə həyata keçirilir.
