Türkiyə və Ermənistanın xarici işlər nazirləri Mövlud Çavuşoğlu və Ararat Mirzoyan Antalyada keçirdikləri görüşdən sonra, görüşün nəticələri barədə danışıblar.
Vətəninfo.az ” “Anadolu” agentliyinə istinadən xəbər verir ki, Türkiyənin xarici işlər naziri Mövlud Çavuşoğlu görüşü “çox konstruktiv və effektiv” adlandırıb. “Münasibətlərin tam normallaşmasına yönəlmiş addımlar müzakirə olunub”, – o deyib.
Türkiyə mətbuatı xəbər verir ki, Ermənistanın xarici işlər naziri Ararat Mirzoyan İrəvanın Ankara ilə münasibətlərin normallaşması üçün səy göstərəcəyini bildirib. Qeyd olunur ki, Mirzoyan Ermənistanın “Cənubi Qafqazda sülh və sabitliyin bərqərar olması üçün səy göstərmək” əzmini bir daha təsdiqləyib.
