image-a9a46b3f-4acc-39f3-99d6-c8739d29f4f1_850backend

NATO missiyası Kosovada təhlükəyə müdaxilə etməyə hazır olduğunu bildirib

image-reklam_sirab_01

NATO-nun himayəsi altında beynəlxalq missiya tanınmamış Kosovanın şimalında sabitliyə təhlükə yaranacağı təqdirdə müdaxilə etməyə hazır olduğunu bəyan edib.

Bu barədə missiyanın tviter hesabında bildirilib.

“NATO-nun rəhbərlik etdiyi beynəlxalq missiya vəziyyəti diqqətlə izləyir və sabitliyə təhlükə yaranarsa, müdaxilə etməyə hazırdır”, – missiyanın tviterdə verdiyi bəyanatda deyilir.

Missiya qeyd edib ki, Kosovanın şimal bələdiyyələrində ümumi təhlükəsizlik vəziyyəti gərgin olaraq qalır.

Bundan əvvəl Serbiya KİV-i xəbər verib ki, tanınmamış Kosovanın şimal hissəsində hava hücumu həyəcan siqnalları səslənib. KİV eləcə də atəş səsləri barədə məlumat verib.

Daha sonra məlum olub ki, Kosova polisi bölgənin şimalındakı “Brnyak” keçid məntəqəsini bağlayıb.

Həmçinin, tanınmamış Kosova polisi xüsusi təyinatlılarının Priştinadan şimala və Metoxiyaya doğru hərəkət etdiyi bildirilib.

image-reklam_opel_02

  • whatsapp
  • messenger
  • telegram
  • vkontakte
  • odnoklassniki