image-e0068f24-91fc-4d96-a5e7-ca519d7b2b08backend

Nöqtəni nidaya çevirmək asan başa gəlmədi

image-reklam_sirab_01

22 aprel Şuşada Dünya Azərbaycanlılarının V qurultayı keçirilib və qurultaya ,,Zəfər” adı verilib. Qurultay 2001-ci ildən keçirilməyə başlayıb. 5 ildən bir keçirilən qurultayın 2021-ci ildə keçirilməsi nəzərdə tutulub, lakin 2022-ci ildə keçirilməsi baş tutub. Dünya Azərbaycanlılarının Qurultayı dünya azərbaycanlıları arasında birliyin və həmrəyliyin daha da güclü olması,eyni zamanda  xaricdə yaşayan azərbaycanlıların müstəqil Azərbaycan Respublikası ilə əlaqələrinin daha da möhkəmləndirilməsi, habelə Azərbaycan icmaları, cəmiyyət və birliklərinin fəaliyyətinin əlaqələndirilməsi  və  birlikdə bir sıra məsələlərin müzakirə edildiyi ən yüksək səviyyəli tədbir olaraq bilinir.
Keçmişə səyahətə çıxaq -2019-cu ilə. Ermənistan rəhbərliyinin  səsləndirdiyi  cəfəngiyatlar faktiki olaraq danışıqlar prosesinin  son ilə nəticələnmiş və məsələnin daha da dərinləşməsinə səbəb olmuşdur . “Qarabağ Ermənistandır və nöqtə” deməklə hər şeyə  son qoyuldu və bu açıqlamadan sonra Minsk qrupu demək olar ki, heç nə edə bilmədi . Çünki bu bəyanatdan sonra hər hansı bir danışıqların aparılması imkansız idi . Çünki  bu danışıqların əsas  mahiyyəti ondan ibarət idi ki, işğal altında olan torpaqlarımız  azad olunacaqdı.Ancaq Ermənistan hər şeyi daha da çətinləşdirdi. 2019-ci ilin sentyabr ayında Ermənistanın baş naziri Nikol Paşinyan Vanadzor şəhərində keçirdiyi mətbuat konfransında Dağlıq Qa­rabağ problemindən söz açaraq  Xankəndidə səsləndirdiyi “Qarabağ Ermənistandır və nöqtə” fikrini yenidən təkrar edərək  açıq söylədi ki, Azərbaycan danışıqlar prosesini ərazi bü­tövlüyü üzərində qurulmasının niyyətindədir.Ancaq bütün bunlara baxmayaraq Azərbaycan öz torpaqlarını erməni işğalçılarının əlindən qutardı. Mənfur düşmən öz istəyinə çata bilmədi.
Beləliklə, 2020-ci ili sentyab­rın 27-də Vətən müharibəsinin başlaması ilə nəinki, “Qarabağ Ermənistandır, nöqtə” fikrinin cəfəng söz yığını olduğunu üzə çıxartmağa nail olduq , həm də “Qarabağ Azərbaycandır və nida!” şüarının nə qədər əsaslı şəkildə söyləndiyini və sadəcə, şüar olaraq  qalmadığı­nı sübut etməyə müvəffəq olduq. Beləcə, nöqtə ilə başlayan bir cəfəngiyata nida son qoyuldu.Hansı ki bu nida sadəcə olaraq bir durğu işarəsi deyil də bizim zəfərimizin bir nişanəsi oldu. 27 sentyabrdan başla­yan müzəffər yürüş nəticəsində xalqımız,bütün  dünya ictimaiyyəti, həmçinin  düşmənlər də şahid oldu ki, Azərbaycan dövləti dediyinin arxasında durdu  və öz torpaqlarının işğalda qalması ilə barışmadı və barışa da bilməzdi, çünki şəhidlərimizin  qanı yerdə qalmamlı idi və bu səbəbdən dolayı müqəddəs müharibəyə başladı. Artıq həmin müzəffər yürüşün bir illiyini qeyd etmişik. Nöqtəni nidaya çevirmək asan başa gəlmədi,amma, nəticəsi Azərbaycan üçün heç vaxt unudulmayacaq bir anlam daşıyır.

 

image-reklam_opel_02

  • whatsapp
  • messenger
  • telegram
  • vkontakte
  • odnoklassniki