Vətəninfo.az xəbər verir ki, Ermənistanın baş naziri Nikol Paşinyan yenə erməniləri hiddətləndirəcək açıqlama verib.
Paşinyan 44 günlük müharibədən sonra, Ermənistanda yeni bir tendensiyanın yarandığını qeyd edərək deyib ki, indi Ermənistanda yol kənarlarına abidələr, heykəllər və ya daşlar qoyulur, müxtəlif yerlərə xaçlar basdırılır: “Üstəlik, o xaçlar bəzən elə yerləşdirilir ki, sonradan bir xristian kimi hisslərimi incidən vəziyyətə düşürlər. Kim ora çatsa, iki dəmir parçası tapıb harasa aparıb xaç qoyur. Magistral yollarda bəzi daşların göründüyünü görürük. Bütün bunlar dövlət institutlarının uğursuzluğundan xəbər verir”.
