“Koronavirus pandemiyası səbəbindən xəstələrdə kəskin tənəffüs çatışmazlığı sürətlə inkişaf edir. Belə xəstələrdə tənginəfəslik, yaxud tənəffüs çatışmazlığı meydana çıxır. Təbii ki, belə şəxslərə ilk olaraq oksigen inqalasiyası edilir”.
Vətəninfo.az xəbər verir ki, bunu Səhiyyə Nazirliyinin mütəxəssis-eksperti, reanimatoloq İsrail Məhərrəmbəyli deyib.
Onun sözlərinə görə, koronavirus xəstələrinin süni tənəffüs aparatına qoşulması üçün mütləq şəkildə xüsusi klinik və laborator göstəricilər olmalıdır: “Bu addım xəstənin xilas yolu üçün həyata keçirilən tədbirlər kompleksinin bir hissəsidir. Əgər xəstə vaxtında süni tənəffüs aparatına qoşulmasa, bu, ağırlaşmaya, hətta ölümə belə gətirib çıxara bilər. Xəstə reanimatoloqolar tərəfindən diqqətlə izlənilir, əgər göstəriş varsa, gecikmədən süni tənəffüs aparatına qoşulur”.
