Seymur Orucov vətəndaşların növbəti səyyar qəbulunu rayonun Qarayazı qəsəbə yaşayış məntəqəsində keçirib.
Səyyar qəbulda RİH başçısı aparatının, rayonun hüquq-mühafizə orqanlarının, idarə, müəssisə və təşkilatlarının nümayəndələri, eləcə də qəsəbə sakinləri iştirak ediblər.
RİH başçısı çıxış edərək Prezident İlham Əliyevin rəhbərliyi ilə ölkəmizin beynəlxalq aləmdə qazandığı yüksək nüfuzundan, dinamik sosial-iqtisadi inkişafından, 44 günlük Vətən müharibəsində qazanılan Zəfərimizlə tarixi torpaqlarımızın azad olunmasından dərhal sonra orada icra olunan nəhəng bərpa, yenidənqurma tədbirlərindən, Böyük Qayıdışdan söz açıb.
Qəbulda müraciət edən hər bir vətəndaş diqqətlə dinlənilib, qaldırılan məsələlərə dair məsul şəxslərin arayışları dinlənilib. Müraciət və təkliflər nəzarətə götürülüb, həlli istiqamətində qanunamüvafiq qaydada tədbirlər müəyyən edilib.
