Tədbir iştirakçıları əvvəlcə ümummilli lider Heydər Əliyevin abidəsi önünə gül dəstələri düzərək əziz xatirəsini dərin ehtiramla yad ediblər.
Sonra tədbir YAP Ağstafa rayon təşkilatının qərargahında davam etdirilib.
Öncə partiyamızın qurucusu, ulu öndər Heydər Əliyevin və Vətənimizin bütövlüyü uğrunda gedən döyüşlərdə canlarından keçən şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan YAP Ağstafa rayon təşkilatının sədri Etibar Hacıyev bildirib ki, Yeni Azərbaycan Partiyası Ağstafa rayon təşkilatı 1993-cü il iyul ayının 24-də təsis edilmişdir. O, rayon təşkilatının fəaliyyətindən, qazanılan nailiyyətlərdən və qarşıda duran vəzifələrdən bəhs edib, rayon təşkilatının yaranmasının 29-cu ildönümü münasibətilə tədbir iştirakçılarını təbrik edib. Daha sonra çıxış edənlər partiyamızın keçdiyi şərəfli inkişaf yolundan geniş bəhs ediblər.
Tədbirin sonunda YAP-ın sıralarına yeni qoşulanlara partiyanın üzvlük vəsiqələri təqdim olunub.