image-f8354fe3-a61c-3480-bebb-1d4806c9100c_850backend

Yaponiya hökuməti tam tərkibdə istefa verib

image-reklam_sirab_01

Avqustun 10-da Yaponiya hökuməti tam tərkibdə istefa verib.

Ölkənin Nazirlər Kabinetinin növbədənkənar iclası yerli vaxtla saat 11:30-da ( Bakı vaxtı ilə 06:30) başlayıb. Baş nazir Fumio Kişidanın rəhbərliyi ilə Yaponiya hökumətinin yeni tərkibinin tezliklə məlum olacağı gözlənilir.

Kabinet dəyişikliyi əvvəlcə sentyabrın əvvəlində baş verməli idi, lakin Kişida yeni kapitalizm iqtisadi konsepsiyasının təşviqini sürətləndirmək planları, ərzaq və yanacağın artması ilə əlaqədar tədbirlər görmək zərurəti səbəbindən bunu indi etmək qərarına gəlib.

Yaponiya hökumətinin bu tərkibi 2021-ci il oktyabrın 4-də Kişida baş nazir postunu tutduğu zaman formalaşıb.

Qeyd edək ki, Yaponiyada son üç həftə ərzində Nazirlər Kabinetinin reytinqi 10 faizədək aşağı düşüb. Bunun səbəbi kimi, ilk növbədə ölkə daxilində baş verən proseslər – inflyasiya və siyasətçilərin “Birlik kilsəsi” ilə şübhəli əlaqəsi göstərilir. Buna baxmayaraq, Nazirlər Kabinetinin yeni tərkibi formalaşdıqdan sonra hökumətin xarici siyasətdə dəyişikliklər aparacağı gözlənilmir.

image-reklam_opel_02

  • whatsapp
  • messenger
  • telegram
  • vkontakte
  • odnoklassniki