Yaponiyanın Küsü adasında tüğyan edən və şimal-şərqə doğru irəliləyən “Nanmadol” qasırğası nəticəsində azı 41 nəfər xəsarət alıb.
Bu barədə NHK telekanalı məlumat yayıb.
Bundan əlavə, eletrik xətlərinin qırılması və təbii fəlakətin digər fəsadları səbəbindən 300 mindən çox ev işıqsız qalıb. “Kyushu Electric Power”ın məlumatına görə, təkcə Küsüdə 294 min ev işıqsız qalıb. Yaponiyanın əsas Honsüu adasının cənub-qərb hissəsinin bir sıra bölgələrində 15 minə yaxın ev işıqsızdır.
Yaponiya Meteorologiya Bürosunun bazar ertəsi səhər yaydığı məlumata görə, qasırğanın episentri Küsünün şimalındakı Fukuoka prefekturasının ərazisində yerləşir və yavaş-yavaş təxminən 4 m/s sürətlə şimal-şərqə doğru irəliləyir. Episentrdə küləyin sürəti 35 m/s, küləyin sürəti isə 50 m/s-ə çatır.
Sinoptiklərin proqnozlarına görə, gün ərzində tayfun şimal-şərq istiqamətində hərəkətini davam etdirəcək və çərşənbə axşamı səhər saatlarında Yapon dənizi sahillərinə yaxın keçərək ölkənin mərkəzi hissəsinə çata bilər.
