image-16d51f1e-488c-332a-8a74-46324fdc82ba_850backend

Zelenski Putinlə danışıq ehtimalını qiymətləndirib

image-reklam_sirab_01

Ukrayna Prezidenti Volodimir Zelenski hazırda Rusiya Prezidenti Vladimir Putinlə danışıqlara başlamağı planlaşdırmadığını vurğulayıb.

Bu barədə Ukrayna dövlət başçısının CNN telekanalına müsahibəsindəki açıqlamasına istinadən xəbər verilir.

“Bu gün, yox. Mən onların (Rusiya – red.) tərəfində konstruktivlik istəyini görmürəm. Onların ultimatumlarına gəlincə, bunları kimin irəli sürməsi məni maraqlandırmır – o (Putin – red.) və ya başqa kimsə. Bu mənim prinsipimdir – ultimatum səsləndirənlərə danışmayacam”, – Ukrayna Prezidenti Putinlə danışıqlarla bağlı sualı cavablandırıb.

O, həmçinin vurğulayıb ki, Ukrayna ilə Rusiya arasında istənilən razılaşma yalnız qarşı tərəfin qoşunlarının Ukrayna ərazisindən tamamilə çıxarılması halında bağlana bilər.

“Bilirəm ki, bəzi ölkələr bizi Minsk prosesinə tərəf sövq edir. Mən istəyirəm ki, dünya bir məsələnin diplomatik həll yolu, digərinin isə Minsk-2, -3, -5, -10 olduğunu etiraf etsin. Bunlar iki fərqli şeydir, çünki Minsk (razılaşması) boş kağız parçasıdır və Rusiyaya növbəti işğaldan əvvəl dincəlməyə imkan verəcək”, – Prezident bildirib

image-reklam_opel_02

  • whatsapp
  • messenger
  • telegram
  • vkontakte
  • odnoklassniki