MDB-nin qeyri-rəsmi sammiti dekabrın 26-da baş tutacaq
Vətəninfo.az xəbər verir ki, MDB-nin baş katibi Sergey Lebedev mətbuata açıqlamasında bildirib ki, dekabrın 26-da Sankt-Peterburqda MDB-yə üzv dövlətlərin rəhbərlərinin qeyri-rəsmi görüşü keçiriləcək.
Sergey Lebedev bildirib ki, dekabrın 25-26-da Sankt-Peterburqda iki mühüm hadisə, dekabrın 25-də Aİİ Ali Şurasının prezidentlər səviyyəsində sessiyası, 26-da isə MDB ölkələri prezidentlərinin qeyri-rəsmi görüşü baş tutacaq.
Lebedev vurğulayıb ki, Rusiya Federasiyasının prezidenti Vladimir Putin dekabrın 26-da həmkarlarını qeyri-rəsmi şəraitdə ünsiyyət qurmaq, cari məsələləri müzakirə etmək və fikir mübadiləsi aparmaq üçün Sankt-Peterburqa dəvət edib.
