Azərbaycan Respublikası Milli Məclisinin deputatı, Qərbi Azərbaycan İcmasının sədr müavini Ramil Həsən 20 noyabr 2023-cü il tarixində Ucar rayon Heydər Əliyev Mərkəzində seçicilərlə növbəti dəfə görüşüb.
Öncə millət vəkili Ramil Həsən Yeni Azərbaycan Partiyası Ucar rayon Təşkilatının sədri Şəhla Abdullayeva ilə birlikdə ilk Ümummilli Lider Heydər Əliyevin Ucar şəhər mərkəzində ucaldılmış abidəsini ziyarət edib, önünə çiçəklər qoyub. Eyni zamanda Ucar rayon mərkəzində yerləşən Şəhidlər Xiyabanında Vətən uğrunda canlarını fəda etmiş Şəhidlərimizin məzarları ziyarət edilib və Qarabağ Zəfərimizin qazanılmasında misilsiz xidmətləri olan Şəhidlərimiz üçün dualar oxunub.
Görüşdə iştirak edən Ucar rayon seçicilərinin arzu və istəkləri, o cümlədən qaldırmış olduqları problemlər, vətəndaşların hər bir təklif və tələbi millət vəkili tərəfindən diqqətlə dinlənilib, qanun çərçivəsində öz həllini tapması üçün müvafiq qurumlara çatdırılacağı bildirilib. Seçicilərin bir qismi görüşdə artıq həllini tapmış məsələlərlə bağlı deputat Ramil Həsənə dərin təşəkkürlərini ifadə ediblər.
Qaldırılan məsələlərin içərisində ən çox şikayətlər işsizlik, fərdi ev tikintisinə icazə, sosial problemlərin həlli, müalicə, işə bərpa, su-kanalizasiya problemləri, maddi dəstək, o cümlədən asfalt yolların çəkilməsi, pensiya təyinatı, rayon mərkəzində küçə işıqlandırmasının olmaması və məhkəmə işi ilə bağlı məsələlər olub. Ucar rayon vətəndaşları ilə bərabər rayonun Şəhid ailələrinin və qazilərinin bir qrupu da xüsusi hörmət və ehtiramla dinlənilib, eyni zamanda səyyar görüşdə keçirilib. Qaldırdıqları problemlərin həlli ilə bağlı lazımı tapşırıqlar verilib və qısa müddətdə narahatlıqların müvafiq dövlət qurumlarına çatdırılması ilə əlaqədar tədbirlərin görüləcəyi bildirilib.
Onu da qeyd edək ki, deputat Ramil Həsən hər ay mütəmadı olaraq seçiciləri ilə görüşür, onların qaldırdıqları problemlər tərəfindən dinlənilir, həlli üçün qanuna müvafiq adımlar atılır.
