Türkiyə prezidenti Rəcəb Tayyib Ərdoğan iyunun 21-də Böyük Britaniyanın baş naziri Boris Conson ilə telefon danışığı aparıb.
Veteninfo.az xəbər verir ki, bu barədə Türkiyənin “Anadolu” agentliyi məlumat yayıb.
Telefon danışığı zamanı Türkiyə-Britaniya əməkdaşlığının hazırkı vəziyyəti və perspektivləri ətrafında fikir mübadiləsi aparılıb.
Həmsöhbətlər müdafiə sənayesi sahəsində əməkdaşlıq mövzusuna da toxunub, regional prosesləri, o cümlədən Ukraynadakı hərbi əməliyyatlar mövzusunu müzakirə ediblər.
Erdoğan Ukrayna limanlarından taxıl ixracının təhlükəsiz tənzimlənməsinin vacibliyini vurğulayıb.
