image-374048_res_01backend

Qəninin hansı ölkəyə qaçdığı məlum oldu

image-reklam_sirab_01

Əfqanıstanın dünən istefa verib ölkədən qaçmış prezidenti Əşrəf Qəninin yeri məlum olub. “Azadlıq” radiosunun tacik xidməti xəbər verir ki, Qəni prezident administrasiyasının rəhbəri Fəzli Mahmud Fəzlinin və milli təhlükəsizlik müşaviri Həmdulla Muhibin müşaiyəti ilə əvvəlcə Tacikistana uçub. Onun təyyarəsi bir müddət Tacikistan hava məkanında qalıb və aviadispetçerlərin sonrakı uçuş marşrutunu razılaşdırmasını gözləyib. Dispetçerlər marşrutu Özbəkistan, Türkmənistan və İran hakimiyyəti ilə razılaşdırıblar, bunun ardınca Qəninin təyyarəsi həmin ölkələrin hava məkanından keçərək Omana uçub. Bildirilir ki, Oman hakimiyyəti ona siyasi sığınacaq verəcək.

Marşal Əbdürrəşid Dostumun qızı Rohila da təsdiq edib ki, Qəninin təyyarəsi əvvəlcə Düşənbə üzərində fırlanıb, daha sonra Omana kurs götürüb.

Rusiya mənbələri isə iddia edir ki, Qəni Əfqanıstanı əliboş tərk etməyib, vertolyot dolu pul da aparıb. TASS Rusiyanın Kabildəki səfirliyindəki mənbəyə istinadən bildirir ki, Qəni iqamətgahını vertolyotla tərk edərək aeroporta gedib. “Dörd avtomobil pulla ağzına qədər doldurulmuşdu, pulların qalanını isə vertolyota doldurmağa çalışdılar. Hamısı yerləşmədi və pulların bir hissəsi elə uçuş meydançasında qaldı”,-həmin mənbə iddia edib.

image-reklam_opel_02

  • whatsapp
  • messenger
  • telegram
  • vkontakte
  • odnoklassniki