Vətəninfo.az xəbər verir ki, erməni politoloq Qrant Melik-Şahnazaryan özünün “Telegram” kanalında yazıb ki, çoxdan hazırlanmış və indi bu qədər səs-küylə reklam edilən Nikol Paşinyan-Vladimir Putin görüşdə Nikol Paşinyan yalnız bir məsələni həll edə bilib – 30 bəndlik bəyanatında Dağlıq Qarabağ adından bir dəfə istifadə etmək.
“Təsəvvür edirsiniz, sadəcə bir qeyd? Bu arada, görüşdən əvvəl Paşinyan deyib ki, Putinlə danışıqlarda Artsax mövzusu üstünlük təşkil edəcək. İki ölkə başçılarının birgə bəyanatı ilə tanış olmusunuzmu? Əgər belədirsə, o zaman sizə aydın olmalı idi ki, Rusiyada artıq Nikolla əlaqəli proqram yoxdur. Ruslar üçün bu resurs artıq tükənib. Nikol ayrılır. Bu yaxşı xəbərdir. Pis odur ki, cəmiyyətimiz heç olmasa nəyisə xilas edə bilməyib. Nikol təhvil verəcəyi hər şeyi təhvil verdi. Bizdən nə almaq istədilərsə, aldılar…”.
