Türkiyədə 2022-ci ildə Rusiyanın “S-400 Triumf” və ABŞ-ın “Patriot” sistemlərini əvəz edə biləcək hava hücumundan müdafiə sistemləri layihələri çərçivəsində yeni konsepsiyalar təqdim ediləcək. Bu barədə “Sabah” qəzeti məlumat yayıb.
Qeyd olunur ki, 2022-ci ildə HİSAR və SİPER hava hücumundan müdafiə sistemlərinin zenit-raket komplekslərinin yaradılması layihələri çərçivəsində yeni konsepsiyalar ortaya çıxacaq. “HİSAR A +” və “HİSAR O +” sistemləri sınaqdan keçirilmişdir.
“Beləliklə, Türkiyə S-400 və “Patriot”a alternativ olaraq meydana çıxacaq SIPER hava hücumundan müdafiə sisteminin yaradılmasına bir addım da yaxınlaşacaq”, – deyə qəzet yazır. Qeyd olunur ki, sistemin 2023-cü ildən fəaliyyət göstərməsi planlaşdırılır.