AFFA Misli Premyer Liqasının XXIV turunun oyunlarında yaşananlarla bağlı 4 klubu cəzalandırıb.
Vətəninfo.az xəbər verir ki, bu barədə qurumun İntizam Komitəsinin iclasında qərar qəbul olunub.
“Neftçi” – “Sumqayıt” oyununda qonaqların 4 futbolçusu sarı vərəqə aldığına görə 700 manat cərimələnib.
AFFA “Araz-Naxçıvan”ı da eyni məbləğdə cərimələyib. Buna səbəb fevralın 22-də baş tutan “Səbail”lə matçda 5 futbolçunun sarı vərəqə ilə cəzalandırılması olub.
“Şamaxı” – “Turan Tovuz” matçında Şamaxı klubu 4 futbolçusu sarı vərəqə ilə cəzalandırıldığına görə 700 manat cərimələnib.
“Qarabağ” isə “Sabah”la matçda Əsasnamənin tələbləri pozulduğuna görə 500 manat cərimələnib.
