Bu gün Bakıda bədii gimnastika üzrə Avropa Kuboku start götürəcək.
Vətəninfo.az xəbər verir ki, Avropa Gimnastikasının təşəbbüsü ilə ilk dəfə baş tutacaq yarışa 34 ölkə təmsilçiləri qatılacaq.
Milli Gimnastika Arenasında yeni formatda təşkil olunacaq turnir üç gün davam edəcək. Avropa Kubokunda mükafatçılar fərdi və çoxnövçülük proqramında, eləcə də komanda hesabında müəyyənləşəcək.
Qeyd edək ki, Azərbaycanı Avropa Kubokunda Güllü Ağalarzadə, Kamilla Əliyeva, Yelizaveta Luzan, Darya Sorokina, Ləman Əlimuradova və Zeynəb Hümmətovadan ibarət qrup hərəkətləri komandası, fərdi yarışda isə Zöhrə Ağamirova və Kamilla Seyidzadə təmsil edəcəklər.
